Connect with us

ព័ត៌មានជាតិ

រថយន្ត​ធំ​ដាច់​ហ្រ្វាំង បុក​រះ និង​កិន​រថយន្ត៥គ្រឿង ម៉ូតូ២គ្រឿង​នៅ​ស្រុក​ពញាក្រែក​

Published

on

តាម​សេចក្តី​រាយការណ៍​បាន​ឲ្យដឹង​ថា កាលពី​វេលា​ម៉ោង​ប្រមាណ​ជាង ៣ រសៀល​ថ្ងៃទី៥ សីហា ២០២០ មានហេតុ​ការណ៍​គ្រោះថ្នាក់​ចរាចរណ៍​មួយ​កើតឡើង ធ្វើឲ្យ​មានការ​ភ្ញាក់​ផ្ញើ​លយ៉ាង​ខ្លាំង ខណៈ​រថយន្ត​ធុន​ធំ​មួយ​គ្រឿង​បាន​រ៉េ​ចង្កូត​បុក​រាស់​រថយន្ត​ផ្សេងទៀត ៥គ្រឿង និង​រួម​ទាំង​ម៉ូតូ២គ្រឿង​ទៀត។

យោង​តាម​សេចក្តី​រាយការណ៍​ពី​កន្លែង​កើតហេតុ​បាន​ឲ្យដឹង​ទៀត​ថា រថយន្ត​ដែល​បង្កហេតុ​ខាងលើ​នេះ គឺ​បាន​ផ្តើម​ហេតុ​នៅត្រង់​ចំណុច​លើ​ផ្លូវជាតិ​លេខ៧ ស្ថិតនៅ​ក្នុង​ភូមិ​ទួល​អង្រ្គង ឃុំ​ក្រែក ស្រុក​ពញាក្រែក ខេត្ត​ត្បូងឃ្មុំ ។

ករណីនេះ​សមត្ថកិច្ច​បាន​បង្ហើប​ថា ពាក់ព័ន្ធ​ពី​មូលហេតុ​នៃ​គ្រោះថ្នាក់​ខាងលើ គឺ​បណ្ដាលមកពី​រថយន្ត​ធុន​ធំ​ដាច់​ហ្រ្វាំ​ងរេ​ចង្កូច​ទៅ​បុក​រថយន្ត​ធុន​តូច​ចំនួន៥គ្រឿង និង​ម៉ូតូ០២គ្រឿង​ទៀត ដែល​ចត​នៅ​តាម​ចញ្ចេីម​ផ្លូវ​ចំណុច​ខាងលើ​នេះ ។

បន្ទាប់ពី​មានការ​បុក​រៈ​រថយន្ត​ទាំងនេះ​រួចមក​ក៏​មិន​បណ្តាល​ឲ្យ​រងគ្រោះ​ថ្នាក់​ដល់អាយុ​ជីវិត​មនុស្ស​នោះ​ដែរ គឺ​រង​ការខូចខាត​ត្រឹមតែ​រថយន្ត៥គ្រឿង និង​ម៉ូតូ២គ្រឿង​តែប៉ុណ្ណោះ។

ចំណែក​តៃកុង​បើកបរ​ឡាន ២នាក់ ត្រូវ​បាន​នគរបាល​ជំនាញ​ធ្វើការ​ចាប់​ឃាត់ខ្លួន​បា​នភ្លាមៗ​បញ្ជូន​មក​អធិការដ្ឋាន​នគរបាល​ស្រុក​ពញាក្រែក ដើម្បី​រង​ចាំ​ដោះស្រាយ​ជា​ក្រោយ​តាមច្បាប់​៕

Advertisement Italian Trulli

ព័ត៌មានតាមប្រតិទិន

ខែ​មីនា 2021
ព្រ សុ អា
1234567
891011121314
15161718192021
22232425262728
293031  

អត្ថបទពេញនិយម