ព័ត៌មានជាតិ
ផ្លូវមួយចំនួន បិទចរាចរបណ្តោះអាសន្ន ដើម្បីសាងសង់បណ្តាញលូទឹកកខ្វល់ ទឹកស្អាត អគ្គិសនី និងខ្សែកាប
ខេត្តសៀមរាប៖ គិតត្រឹមថ្ងៃទី៨ ខែកុម្ភៈ ឆ្នាំ២០២១ ក្រុមស្ថាបនាផ្លូវថ្នល់ទាំង ៣៨ខ្សែ ក្នុងក្រុងសៀមរាប បាននឹងកំពុងសាងសង់យ៉ាងសស្រាក់សស្រាំ ដើម្បីឲ្យរួចរាល់តាមផែនការគម្រោងទុក នាដំណាច់ឆ្នាំ២០២១ខាងមុខនេះ។
រដ្ឋបាលខេត្តសូមការអធ្យាស្រ័យ ពីបងប្អូនដែលបានធ្វើចរាចរណ៍នៅតាមដងផ្លូវក្នុងក្រុង សំខាន់ផ្លូវទាំង៣៨ខ្សែ ។ ក្នុងនោះផ្លូវមួយចំនួន ដែលត្រូវបានបិទការធ្វើចរាចរណ៍បណ្តោះអាសន្ន ដើម្បីសម្រួលដល់ដំណើរការសាងសង់ រៀបចំដាក់បណ្តាញលូទឹកភ្លៀង និង លូទឹកកខ្វល់ ទឹកស្អាត បណ្តាញអគ្គិសនី និង ខ្សែកាប ដែលគិតត្រឹមថ្ងៃទី៨ ខែកុម្ភៈ ឆ្នាំ២០២១ ក្រុមស្ថាបនាផ្លូវថ្នល់ទាំង៣៨ខ្សែ ក្នុងក្រុងសៀមរាប បាននឹងកំពុងសាងសង់យ៉ាងសស្រាក់សស្រាំ ដើម្បីឲ្យរួចរាល់តាមផែនការគម្រោងទុក នាដំណាច់ឆ្នាំ២០២១ខាងមុខនេះ ។
ដូចនេះសូមសាធារណជន មេត្តាយោគយល់អធ្យាស្រ័យ ចំពោះការបិទផ្លូវ ឬបិទចរាចរជាដំណាក់កាល និងដោយអន្លើៗ អាស្រ័យដោយតម្រូវការសាងសង់ឲ្យបានលឿន ឆាប់រហ័ស និងប្រកបដោយគុណភាព។ ខណៈពេលនេះ កំណាត់ផ្លូវមួយចំនួន ដែលបានបិទចរាចរទាំងស្រុង ឬបិទដោយកំណាត់ផ្លួវ រួមមាន:
១. ផ្លូវ អ៊ុំ ឃុន( ផ្លូវជាប់ខាងត្បូងគណបក្សប្រជាជន ទៅផ្លូវស៊ីវុត្ថា)
២. ផ្លូវមន្ទីរពេទ្យនាគទេពថ្មី
៣. ផ្លូវជន្លង់ ចេញមកស្ទឹងសៀមរាប
៤. ផ្លូវវត្តរាជបូព៍ ទៅស្តុបកោះកេរ្តិ៍ទៅត្បូង និងទៅវត្តពោធិ៍លង្កា
៥. ផ្លូវកូម៉ៃ ពីស្តុបសុខា ដល់មុខវត្តថ្មី ឬវត្តទេពពោធិ៍វង្ស
៦. ផ្លូវ ៣០ម៉ែត្រ
៧. ផ្លូវស្តុបទន្លេសាប ទៅជើង
៨.កំណាត់ផ្លូវវាងក្រុងពីក្រោលសេះ ទៅទីស្នាក់ការគយ (ភូមិសណ្តាន់ សង្កាត់ទឹកវិល )
ដោយឡែកក្រៅពីនេះ កំណាត់ផ្លូវបានបិទខ្លះត្រូវបានបិទរយៈពេលខ្លី ឬផ្នែកណាមួយ តែមានផ្លូវដែលអាចបញ្ចៀសចរាចរណ៍បាន ៕
-
ព័ត៌មានជាតិ1 ថ្ងៃ agoឃាត់រថយន្តសាំយ៉ុងដឹកទំនិញ ប្រទះឃើញជនជាតិចិន១១នាក់ពួនក្នុងនោះ ប្រុងធ្វើដំណើរពីខេត្តព្រះសីហនុ ទៅភ្នំពេញ
-
ព័ត៌មានជាតិ1 ថ្ងៃ agoបិទផ្សារកណ្តាល រយៈពេល១៤ថ្ងៃ ក្រោយរកឃើញករណីជំងឺកូវីដ១៩ជាបន្តបន្ទាប់
-
ព័ត៌មានជាតិ9 ម៉ោង agoផ្អាកមូលដ្ឋានផ្សារដេប៉ូ រយៈពេល២សប្តាហ៍ ក្រោយរកឃើញអ្នកវិជ្ជមានកូវីដ១៩
-
ព័ត៌មានជាតិ9 ម៉ោង agoមនុស្សស្លាប់ចំនួន ៥នាក់ ក្នុងករណីគ្រោះថ្នាក់ចរាចរណ៍ ម្សិលមិញ!